42 түүнийг Есүс уруу авчрав. Есүс түүн уруу хараад, Симонд—Чи бол Иоханы хүү Симон байна. Чамайг Кеф (грекээр Петр) гэж нэрлэх болно гэлээ.
43 Дараа өдөр нь Есүс Галил уруу явахаар завдан байхдаа Филипийг олоод, түүнд—Намайг дага гэв.
44 Филип Андрей, Симон нарын хот болох Бетсайдаас иржээ.
45 Филип Натанаелыг олоод—Бид Мосегийн Хуульдаа бичсэн болон эш үзүүлэгчдийн бичсэн тэр хүн болох Иосефын хүү, Назарын Есүсийг оллоо гэсэнд,
46 Натанаел түүнд—Назараас ямар нэгэн сайн юм гарч чадна гэж үү? гэхэд, Филип—Ирж, хар л даа гэв.
47 Есүс Өөр уруу нь ирж яваа Натанаелыг хараад, түүний тухай—Дотроо заль мэхгүй, жинхэнэ Израиль хүнийг харагтун гэж айлдав.
48 Натанаел Есүсээс—Та намайг яаж мэднэ вэ? гэж асуухад Тэр—Филип чамайг дуудахаас өмнө, инжрийн модны дор байхад чинь Би чамайг харсан гэлээ.