2 Тэд Есүсийг буруутгаж эхлэн—Энэ хүн манай үндэстнийг төөрөгдүүлэн, Цезарьт татвар төлөхийг хорьж, Өөрийгөө Христ, Хаан гэж байхыг нь бид харсан гэсэнд
3 Пилат Түүнээс—Та иудейчүүдийн Хаан юм уу? гэж асуухад Тэр түүнд—Та ч хэлж байна гэв.
4 Пилат ахлах тахилч нар болон хурсан олонд—Би энэ хүнээс ямар ч гэм бурууг олсонгүй гэж хэлэв.
5 Харин тэд—Тэр Галилаас эхлэн энэ газрыг хүртэл, Иудейн бүх нутгаар сургаалаа заан ард олныг өдөөн хатгаж байна гэж шаардангуй хэлж байв.
6 Пилат үүнийг сонсоод,—Энэ хүн чинь Галилынх уу? гэж асуув.
7 Түүнийг Херод хааны эрх мэдэлд харьяалагддаг гэдгийг мэдмэгцээ, тэр үед Иерусалимд байсан Херод уруу илгээжээ.
8 Херод Есүсийг хараад ихэд баярлав. Учир нь тэр Есүсийн тухай сонсож, Түүнээс ямар нэгэн тэмдгийг харна хэмээн найдаж байсан тул Есүсийг харахыг удтал хүсэж байжээ.