6 Шавь нар үүнийг сонсоод нүүрээрээ унаж, ихэд айв.
7 Есүс ирж тэдэнд гар хүрч—Бос, бүү ай гэлээ.
8 Тэд толгойгоо өргөн харахад, Есүсээс өөр хэнийг ч олж харсангүй.
9 Тэд уулнаас бууж явахад Есүс тэдэнд—Хүний Хүүг үхэгсдээс амилтал энэ үзэгдлийг хэнд ч бүү хэл гэж тушаав.
10 Шавь нар нь Түүнээс—Тэгвэл яагаад хуулийн багш нар Елиаг эхэнд ирэх ёстой гэдэг юм бэ? гэж асуухад,
11 Тэр хариуд нь—Елиа үнэхээр ирж, бүгдийг сэргээх болно.
12 Харин Би та нарт хэлье. Елиа хэдийнээ ирсэн. Тэд түүнийг таниагүй бөгөөд хүссэн бүхнээ түүнд хийсэн. Түүнчлэн Хүний Хүү тэдний гарт зовох болно гэж айлдав.