14 Тэр түүнд нэг ч үг хэлсэнгүйд захирагч ихэд гайхжээ.
15 Захирагч баяраар ард олны хүсэлтээр нэг хоригдлыг сулладаг заншилтай байв.
16 Тэр үед тэд Бараб гэгч зард гарсан хоригдлыг хорьсон байлаа.
17 Тэгээд ард олныг цуглах үед Пилат тэдэнд—Та нар хэнийг суллуулахыг надаас хүсэж байна? Барабыг уу, эсвэл Христ гэгдэх Есүсийг үү? гэлээ.
18 Учир нь Түүнийг тэд атаархсандаа барьж өгснийг тэр мэдэж байлаа.
19 Пилатыг шүүгчийн суудалд сууж байх үед эхнэр нь түүнд—Тэр зөвт Хүнд юу ч бүү хий. Би урьд шөнө зүүдэндээ Түүнээс болж ихэд шаналав гэж хэлүүлжээ.
20 Харин ахлах тахилч нар болоод ахлагчид олон түмнийг Барабын төлөө гуйж, харин Есүсийг хөнөөлгөхийг ятгасан байлаа.