2 ငါပြန်ပြောရမည်အကြောင်း၊ ငါ့စိတ်နှလုံးသည် နှိုးဆော်သောကြောင့်၊ ပြောချင်သောစိတ်အားကြီး၏။
3 ငါသည်ကိုယ်ခံရသော ကဲ့ရဲ့ပြစ်တင်ခြင်းစကား ကိုကြား၍၊ ငါ့ဥာဏ်သဘောနှိုးဆော်သဖြင့် ငါပြန်ပြောရ၏။
4 ရှေ့ဦးစွာသောကာလ၊ လူကို မြေကြီးပေါ်မှာ နေရာချစကာလမှစ၍၊
5 ဆိုးသောသူသည်ကြာမြင့်စွာကာလ မဝါကြွားရကြောင်းကို၎င်း၊ အဓမ္မလူသည် ခဏသာဝမ်းမြောက်ကြောင်းကို၎င်း မသိသလော။
6 သူ၏ဘုန်းသည် မိုဃ်းပေါ်သို့တက်၍၊ သူ၏ခေါင်းသည် မိုဃ်းတိမ်တိုင်အောင် မှီသော်လည်း၊
7 မိမိမစင်ကဲ့သို့အစဉ်ပျက်ရလိမ့်မည်။ သူ့ကိုမြင်ဘူးသော သူတို့က၊ ထိုသူသည်အဘယ်မှာရှိသနည်းဟု မေးကြလိမ့်မည်။
8 သူသည်အိပ်မက်ကဲ့သို့ လွင့်ပြား၍ နောက်တဖန် မတွေ့ရ။ ညဉ့်ရူပါရုံကဲ့သို့ ကွယ်ပျောက်ရလိမ့်မည်။