15 o lē ‘ua i luga o le fale, ‘aua ne‘i alu ifo ia i le fale, ‘aua fo‘i ne‘i ulu ai e ‘ave se mea ai lona fale;
16 o lē ‘ua i le vao fo‘i, ‘aua ne‘i toe fo‘i o ia e ‘ave lona ‘ofu.
17 ‘Oi talofa fo‘i i fafine totō, ma ē failele i nā ona aso!
18 A ‘ia ‘outou tatalo ‘ina ne‘i sōsōla ‘outou i le tau malūlū;
19 auā o ia ona aso e i ai le puapuagā, e leai sona tusa talu lava le amataga o mea na faia e le Atua, ‘ua o‘o mai i ona po nei, e lē toe fa‘apea fo‘i amulī.
20 ‘Āfai fo‘i e lē fa‘apu‘upu‘uina ia aso e le Ali‘i, e leai se tagata e fa‘aolaina; ‘ae peita‘i ‘ona o lana ‘au filifilia, ‘ua ia fa‘apu‘upu‘uina ai ia aso.
21 “‘Āfai fo‘i e fai ane se tasi ‘iā te ‘outou i ia ona po, ‘Fa‘auta, o ‘i‘inei le Keriso;’ pe fa‘apea, ‘Fa‘auta, o ‘i‘ilā;’ ‘aua ne‘i fa‘alogo i ai.