9 ‘Ona tali atu lea o Pilato ‘iā te i latou, “Tou te loto ‘ea ‘ina ‘ia ‘ou tatalaina atu ‘iā te ‘outou le tupu o tagata Iutaia?”
10 Auā ‘ua na iloa o le matau‘a na tu‘uina atu ai o ia e le ‘au ositaulaga sili.
11 A o le ‘au ositaulaga sili, ‘ua latou fa‘aoso i le motu o tagata, ‘ina ‘ia tatalaina mai e ia o Parapa ‘iā te i latou, ‘ae tu‘u pea Iesu.
12 ‘Ona toe tali atu ai lea o Pilato ‘iā te i latou, “Se a fo‘i se mea tou te loto i ai ‘ou te faia ‘iā te ia e ta‘ua e ‘outou o le tupu o tagata Iutaia?”
13 ‘Ona latou toe ‘alalaga ai lea, “‘Inā fa‘asatauro ia ‘iā te ia.”
14 ‘Ona fai atu lea o Pilato ‘iā te i latou, “Se a fo‘i se mea leaga ‘ua na faia?”A ‘ua atili ai ‘ona latou ‘alalaga, “‘Inā fa‘asatauro ia ‘iā te ia.”
15 ‘Ua loto Pilato e fa‘alotomalie i le motu o tagata, ‘ua ia tatalaina atu ai Parapa ‘iā te i latou; ‘ua uma ‘ona sasaina o Iesu e ia, ‘ona ia tu‘uina atu lea o ia ‘ia fa‘asatauroina.