43 ‘Ua latou fu‘e fo‘i i ‘ato e sefulu ma le lua, na tūtūmu i toe mea ‘atoa ma fāsi i‘a.
44 O i latou na ‘a‘ai i areto pe limaafe o tane.
45 ‘Ona u‘una‘i loa lea o ia i ona so‘o ‘ina ‘ia latou ō a‘e i le va‘a ma muamua atu i le tasi itū i Petesaita, ‘ina se‘ia tu‘uina atu e ia le motu o tagata ‘ia ō.
46 ‘Ua fa‘amāvae o ia ‘iā te i latou, ‘ona maliu atu lea o ia i le mauga e tatalo.
47 ‘Ua o‘o i le afiafi, ‘ua i totonu o le vasa le va‘a, a ‘ua to‘atasi o ia i uta.
48 ‘Ua silafia e ia i latou ‘ua tigāina i taualo, auā ‘ua agi mai i luma le matagi; ‘ona maliu atu lea o ia ‘iā te i latou i le leoleoga e fa o le po, ‘ua savali i luga o le vai, o le a maliu loa.
49 A o i latou ‘ua iloa o ia ‘ua savali i luga o le vai, na manatu i latou o le aitu; ‘ona latou uiō ai lea.