Nauma

O le Valo‘aga i le Fa‘ato‘ilaloga o Nineva

¹‘Ua alu a‘e i ou lava luma lē na te fa‘ata‘ape‘apeina.‘Inā leoleo ia le ‘olo,va‘ava‘ai i le ala,‘ia fusi a‘e sulugātiti,‘ia matuā fa‘ateleina lou malosi. ²Auā e ui lava ‘ina tafia i latou e i latou o ē tafi, ma latou fa‘atauma‘oi fo‘i a latou la la‘au, ‘ae toe fa‘afoisia e le ALI‘I le mamalu o Iakopo, e fa‘apea fo‘i le mamalu o Isaraelu. ³O talitā o ona tagata totoa ‘ua fa‘alanu ulaula ia,o tagata fitafita fo‘i ‘ua ‘o‘ofu i latou i ‘ofu mūmū.E fepulafi fa‘aafi o u‘ameao kariota i le aso e sauniuni ai o ia;e fuafua fo‘i o latou tao. ⁴E matuā feosofa‘i kariota i ala tele,e so‘ona fetaufetulia‘i i malae.E tino mai pei o sulu,e tele vavave pei o le uila. ⁵‘Ua manatua e ia ona ali‘i sili,‘ua latou tautevateva i lo latou savali,‘ua latou fa‘atelelise i lona pā,‘ua saunia fo‘i le talipupuni. ⁶‘Ua tatalaina puipui o vaitafe,‘ua sōloia fo‘i le maota. ⁷Na fa‘atumauina o ia, a ‘ua fa‘alelavalavaina,‘ua ta‘ita‘iina a‘e o ia,‘ua ga‘ega‘e fo‘i ana ‘au‘auna fafine e pei o leo o lupe,latou te taufaitu‘i i o latou fatafata. ⁸O Nineva fo‘i ‘ua fa‘apei o le vailepa ia talu mai anamua,a ‘ua latou sōsōla lava.“Tutū mai ia, ‘inā Tutū mai;”‘ae leai sē tepa i tua. ⁹“‘Ia ‘outou vete ario,‘inā vete ia o auro.E le uma le ‘oloa lelei,‘ua faula‘i mea uma e mana‘omia.” ¹⁰‘Ua gaogao, ‘ua fa‘agaogaoina, ‘ua fa‘atafunaina;‘ua fa‘avaivai le loto, ‘ua gatete tulivae,‘ua tigā tele tua uma,o latou mata uma fo‘i ‘ua matamatavale. ¹¹O ifea ‘ea le ana o leona,ma le mea na ‘a‘ai ai leona ta‘anoa,o le mea na fealua‘i ai le leona,le leona avilu, ‘atoa ma le tama‘i leona,e leai fo‘i se tasi na fa‘amata‘u atu ai? ¹²Na saei e le leona ‘ia mā‘o‘ona ai ana fānau,‘ua na titina manu fo‘i mo ana leona fafine,‘ua na fa‘atumuina ona lua i mea na maua,o ona ana fo‘i ‘ua fa‘atumuina ia i mea ‘ua saeia.