Baefese

¹⁴Hobane ke yena kgotso ya rona, e leng yena ya entseng ditjhaba tse pedi setjhaba se le seng, mme o rapaladitse lerako le neng le di kgaohantse. ¹⁵O fedisitse ka nameng ya hae sebaka sa hloyano, e leng molao wa ditaelo tse laelwang; hore ba babedi a ba fetole ka ho yena motho a le mong, e motjha, ka ho etsa kgotso; ¹⁶mme a busetse hammoho ho Modimo ba bang le ba bang, e le mmele o le mong, ka sefapano sa hae, ha a bolaile hloyano ka sona. ¹⁷Mme ha a tlile, o boletse kgotso ho lona le neng le le hole, le ho ba neng ba le haufi; ¹⁸hobane ke ka yena re nang le katamelo ba babedi ho Ntate, ka Moya o le mong. ¹⁹Mme jwale, ha le sa le basele, leha e le bajaki, empa le se le le ba motse o le mong le bahalaledi, mme le ba ntlo ya Modimo, ²⁰le mohaho o theilweng hodima motheo wa baapostola le wa baporofeta, oo Jesu Kreste e leng yena lejwe la ntlha la wona;