Baefese

¹⁷Mme ha a tlile, o boletse kgotso ho lona le neng le le hole, le ho ba neng ba le haufi; ¹⁸hobane ke ka yena re nang le katamelo ba babedi ho Ntate, ka Moya o le mong. ¹⁹Mme jwale, ha le sa le basele, leha e le bajaki, empa le se le le ba motse o le mong le bahalaledi, mme le ba ntlo ya Modimo, ²⁰le mohaho o theilweng hodima motheo wa baapostola le wa baporofeta, oo Jesu Kreste e leng yena lejwe la ntlha la wona; ²¹eo mohaho wohle o theilweng hodima hae, o kopaneng ka nqa tsohle, mme o ntse o hola ho ba tempele e kgethehileng Moreneng. ²²Le lona le hahilwe hammoho ho yena, ho ba ntlo ya Modimo Moyeng.