Baefese

¹Ke le kgothatsa ke hona, nna ke leng moholehuwa ka baka la Morena, ke re: Tsamayang ka mokgwa o tshwanelang pitso eo le bitsitsweng ka yona, ²ka boikokobetso bohle, le ka mosa, le ka sebete, le ntse le mamellana ka lerato. ³Le tiye matla ho boloka bonngwe ba moya ka tlamo ya kgotso. ⁴Mmele o mong, le Moya o mong, jwalokaha le bileditswe tebello e le nngwe ka ho bitswa ha lona. ⁵Morena o mong, tumelo e nngwe, le kolobetso e nngwe. ⁶Modimo o mong, e leng Ntata bohle, ya kahodimo ho bohle, ya hara bohle, ya ka ho bohle. ⁷Empa e mong le e mong ho rona o neilwe mohau ka tekanyo ya neo ya Kreste.