Bafilipi

¹⁸Ho nang? Kreste o ntse a bolelwa ka mekgwa yohle, leha e le ka boiketsiso, leha e le ka nnete; mme ke thabile ke hona, mme ke ya nne ke thabe. ¹⁹Ke tswe ke tseba hobane hoo ho tla mphetohela polokeho ka merapelo ya lona, le ka tshitso ya Moya wa Jesu Kreste, ²⁰ka tebello e tiyang ya ka, le ka tshepo eo ke nang le yona, ya hoba nke ke ka swabiswa tabeng leha e le nngwe; ke mpa ke tsebisisa hore, esita le jwale le mehleng yohle, Kreste o tla tlotliswa mmeleng wa ka, leha e le ka ho phela ha ka, leha e le ka ho shwa ha ka. ²¹Hobane ho nna ho phela ke Kreste, mme ho shwa ke moruo. ²²Ha ke tsebe ha ho ka ba molemo ho nna ho phela nameng, le hoba ke tshwanetse ho kgetha ka kae; ²³hobane ke hulwa ka nqa tse pedi; ke na le takatso ya ho tloha le ho ba le Kreste, hobane ke hona ho leng molemo ka ho fetisisa. ²⁴Empa ka baka la lona, ho fetisang ka molemo ke ha nka nna ka ba nameng.