Bafilipi

²⁵Mme hape, ka baka la ho kgolwa ke hoo, ke a tseba hoba ke tla nne ke be teng, ke nne ke dule le lona bohle, le tle le hole, mme le thabe tumelong; ²⁶hore ho ithorisa ha lona ka nna ho tle ho eketsehe ho Jesu Kreste, ha ke boetse ke le teng ho lona. ²⁷Feela, le itsamaeleng ka mokgwa o tshwanelang Evangeli ya Kreste; hore leha, nka tla, ka le bona, leha nka ba siyo, ke nne ke utlwe taba tsa lona tsa hore le ntse le eme moyeng o le mong le pelong e le nngwe, le ntse le lwanela hammoho tumelo ya Evangeli, ²⁸le hona le sa tshohe leha e le tabeng e le nngwe ka baka la bahanyetsi. Bora boo, ho bona ke pontsho ya tshenyeho, empa ho lona ke ya poloko; mme hoo ho tswa ho Modimo. ²⁹Hobane ka baka la Kreste le neilwe lehlohonolo, e seng feela la ho dumela ho yena, e leng le la ho utlwiswa bohloko ka baka la hae. ³⁰Hobane le dutse ntweng eo le boneng e le ho nna, eo le jwale le sa utlwang hobane e ho nna.