Bafilipi

¹⁰Ke thabile haholo Moreneng, kahobane jwale le boetse le nkgopotse; athe le ne le fela le hopotse, empa le ne le hloka sebaka. ¹¹Ha ke bolele ka baka la ho hloka; hobane ke ithutile ho kgolwa ditabeng dife le dife tseo ke leng ho tsona. ¹²Ke tseba ho kokobetswa, ke tseba le ho atelwa ke dintho; kahohle le nthong tsohle, ke ithutile ho kgora le ho lapa, ho ba naleng le ho ba bofumeng. ¹³Nka etsa tsohle ka Kreste ya mphang matla. ¹⁴Leha ho le jwalo, le entse hantle, ha le nthusitse bohloking ba ka. ¹⁵Le a tseba le lona, Bafilipi, hoba, enere ha ke tswa Masedonia, ha ke qala ho le bolella Evangeli, ha ho a ka ha eba le kereke e nneileng letho le ka bitswang mpho, leha e le kamohelo, haese lona le nnotshi. ¹⁶Esitile leha ke le Thesalonika, le nthometse hang le habedi seo ke neng ke se hloka.