Bafilipi

¹²Ke tseba ho kokobetswa, ke tseba le ho atelwa ke dintho; kahohle le nthong tsohle, ke ithutile ho kgora le ho lapa, ho ba naleng le ho ba bofumeng. ¹³Nka etsa tsohle ka Kreste ya mphang matla. ¹⁴Leha ho le jwalo, le entse hantle, ha le nthusitse bohloking ba ka. ¹⁵Le a tseba le lona, Bafilipi, hoba, enere ha ke tswa Masedonia, ha ke qala ho le bolella Evangeli, ha ho a ka ha eba le kereke e nneileng letho le ka bitswang mpho, leha e le kamohelo, haese lona le nnotshi. ¹⁶Esitile leha ke le Thesalonika, le nthometse hang le habedi seo ke neng ke se hloka. ¹⁷Hase hoba ke batla dimpho, empa ke batla ditholwana tse ka le atelang ho le ruisa. ¹⁸Ke fela ke amohetse tsohle, mme ke atetswe haholo; ho tletse ho nna, ka ho nka ho Epafrodite tse tswang ho lona, tseo e leng monkgo o monate le sehlabelo se amohetsweng ke Modimo, se o kgahlisang.