Filemone

²le Afia, ya ratwang, le Arkipe, molekane wa rona hlabanong, le kereke e ka tlung ya hao, ke re: ³Le ke le newe mohau le kgotso ke Modimo, Ntata rona, le ke Morena Jesu Kreste! ⁴Ke leboha Modimo wa ka kamehla, ha ke ntse ke o hopola merapelong ya ka, ⁵kamoo ke utlwang tumelo ya hao ho Morena Jesu kateng, le lerato la hao ho bahalaledi bohle. ⁶Ke kopa hore tumelo ya hao, eo re kopaneng le wena ka yona, e tle e sebetse ka matla, o tle o bontshise molemo wohle o ka etsetswang Jesu Kreste ha heno. ⁷Efela, re na le thabo le tshediso e kgolo leratong la hao, kahobane dipelo tsa bahalaledi di kgatholotswe ke wena, ngwaneso. ^8-9Ka baka leo, leha ke ena le tokelo e kgolo, ka baka la Kreste, ya ho o laela se o tshwanelang, ke ikgethetse, ka baka la lerato, ho o rapela, nna, ke leng Pauluse, monna ya hodileng, ya bileng a tlamilwe tshiung tsena ka baka la Jesu Kreste: