1 Bathesalonika

¹Haele ka ho hong, banabeso, re a le rapela, hape re le kgothatsa ka Morena Jesu, hore, jwalokaha le ithutile ho rona kamoo le tshwanetseng ho tsamaya le ho kgahlisa Modimo kateng, le nne le hole teng kamehla. ²Le tswe le tseba ditaelo tseo re le neileng tsona ka Morena Jesu. ³Hobane ho rata ha Modimo ke hore le halalele, le hore le tshabe bofebe, ⁴le hore e mong le e mong ho lona a tsebe ho bolokela pitsa ya hae kgalalelong le hlonephong, ⁵e seng ditakatsong tse mpe, jwaloka bahetene ba sa tsebeng Modimo. ⁶Hape, motho a se ke a hata ngwanabo, leha e le ho mo senyetsa tabeng leha e le nngwe; hobane Morena ke mophethetsi wa ntho tsohle tse jwalo, jwalokaha re se re kile ra le bolella pele ka komelo e tiileng.