Luka

³⁰Lengeloi la re ho yena: Maria, se tshohe, hobane o bone mohau ho Modimo. ³¹Bona, o tla emola, mme o tla tswala mora, mme o tla mo rea lebitso la Jesu. ³²O tla ba moholo, mme o tla bitswa Mora wa Ya hodimodimo; Morena Modimo o tla mo nea terone ya Davida ntatae. ³³O tla busa ntlo ya Jakobo ka ho sa feleng, mme borena ba hae ha bo ka ke ba eba le bofelo. ³⁴Empa Maria a re ho lengeloi: Taba eo e tla etsahala jwang, athe ha ke tsebe monna? ³⁵Lengeloi la araba, la re ho yena: Moya o Halalelang o tla theohela hodima hao, mme matla a Ya hodimodimo a tla o kgurumetsa; ka baka leo, ho halalelang ho tla tswalwa ke wena ho tla bitswa Mora Modimo. ³⁶Mme bona, Elisabetha, motswalao, le yena o emere mora botsofading ba hae; kgwedi ena e se e le ya botshelela ya ya neng a bitswa nyopa.