Luka

³³O tla busa ntlo ya Jakobo ka ho sa feleng, mme borena ba hae ha bo ka ke ba eba le bofelo. ³⁴Empa Maria a re ho lengeloi: Taba eo e tla etsahala jwang, athe ha ke tsebe monna? ³⁵Lengeloi la araba, la re ho yena: Moya o Halalelang o tla theohela hodima hao, mme matla a Ya hodimodimo a tla o kgurumetsa; ka baka leo, ho halalelang ho tla tswalwa ke wena ho tla bitswa Mora Modimo. ³⁶Mme bona, Elisabetha, motswalao, le yena o emere mora botsofading ba hae; kgwedi ena e se e le ya botshelela ya ya neng a bitswa nyopa. ³⁷Hobane ha ho letho le ke keng la etswa ke Modimo. ³⁸Maria a re: Bona, ke lekgabunyane la Morena, a nke ke etswe ka polelo ya hao! Yaba lengeloi le tloha ho yena. ³⁹Matsatsing wona ao, Maria a tloha, a phakisa a ya maloting, motseng o mong wa Juda.