Luka

³⁷Hobane ha ho letho le ke keng la etswa ke Modimo. ³⁸Maria a re: Bona, ke lekgabunyane la Morena, a nke ke etswe ka polelo ya hao! Yaba lengeloi le tloha ho yena. ³⁹Matsatsing wona ao, Maria a tloha, a phakisa a ya maloting, motseng o mong wa Juda. ⁴⁰A kena tlung ya Sakaria, a dumedisa Elisabetha. ⁴¹Eitse Elisabetha ha a utlwa tumediso ya Maria, ngwana a hlasimoloha popelong ya hae. Yaba Elisabetha o tlala Moya o Halalelang, ⁴²a phahamisa lentswe, a re: Ho lehlohonolo wena hara basadi, ho lehlohonolo le yona tholwana ya popelo ya hao. ⁴³Mme ho ntlhahela kae ha ke etelwa ke mma Morena ka?