Luka

⁵³ba lapileng o ba kgorisitse molemo, mme ba ruileng o ba kgutlisitse ba le feela; ⁵⁴o hlokometse Iseraele, mohlanka wa hae, a tle a hopole mohau, ⁵⁵oo a neng a o etsetse Abrahama le leloko la hae ka ho sa feleng, kamoo a neng a boleletse baholo ba rona kateng. ⁵⁶Maria a hlola le Elisabetha dikgwedi tse batlileng ho ba tharo, a ntoo boela tlung ya hae. ⁵⁷Elisabetha a hlahelwa ke nako ya hae ya ho beleha, mme a tswala mora. ⁵⁸Ba ahisaneng le yena le bahabo ba utlwa hoba Morena o tumisitse mohau wa hae ka yena, ba thaba le yena. ⁵⁹Ka tsatsi la boroba meno e le mmedi, ba tla ho bolotsa ngwana, mme ba mo rea Sakaria, lebitso la ntatae.