Luka

⁶²Yaba ba lekanyetsa ntatae hore a ba tsebise lebitso leo a ratang ba ka mo rea lona. ⁶³Sakaria, hobane a kope lematjana la ho ngola, a ngola, a re: Lebitso la hae ke Johanne. Mme ba makala kaofela. ⁶⁴Ka nako yona eo molomo wa hae wa buleha, le leleme la raroloha, mme a bua, a boka Modimo. ⁶⁵Ba ahisaneng le yena ba tshwarwa bohle ke tshabo; ditaba tseo tsa hasana kahohle maloting a Judea. ⁶⁶Mme bohle ba di utlwang ba di boloka dipelong tsa bona, ba re: Ha ho le jwalo, ngwana eo e tla ba eng? Hobane letsoho la Morena le ne le le ho yena. ⁶⁷Yaba Sakaria, ntatae, o tlala Moya o Halalelang, a porofeta, a re: ⁶⁸Ho bokwe Morena, Modimo wa Iseraele, hobane o etetse setjhaba sa hae, mme o se lopolotse.