Luka

⁶⁵Ba ahisaneng le yena ba tshwarwa bohle ke tshabo; ditaba tseo tsa hasana kahohle maloting a Judea. ⁶⁶Mme bohle ba di utlwang ba di boloka dipelong tsa bona, ba re: Ha ho le jwalo, ngwana eo e tla ba eng? Hobane letsoho la Morena le ne le le ho yena. ⁶⁷Yaba Sakaria, ntatae, o tlala Moya o Halalelang, a porofeta, a re: ⁶⁸Ho bokwe Morena, Modimo wa Iseraele, hobane o etetse setjhaba sa hae, mme o se lopolotse. ⁶⁹O re tsoseditse lenaka la poloko tlung ya Davida, mohlanka wa hae; ⁷⁰jwalokaha a ne a boletse ka molomo wa baporofeta ba halalelang ba hae, ba bileng teng mehleng ya pele, ⁷¹a re, o tla re lwela ho bao e leng dira ho rona, le matsohong a bohle ba re hloileng;