Luka

¹²Leha a kopile lehe, a ka mo fa phepheng na? ¹³Mme ha esita lona ba lonya, le tseba ho nea bana ba lona dintho tse molemo, Ntata lona ya lehodimong o tla fetisisa hakakang ka ho nea Moya o Halalelang ho ba o kopang ho yena! ¹⁴O ne a leleka motemona ya semumu; eitse hobane motemona a tswe, semumu sa bua, mme bongata ba makala. ¹⁵Empa ba bang ho bona ba re: O lelekisa batemona ka Beelsebule, morena wa batemona. ¹⁶Ba bang hape ba mo leka, ka ho qela pontsho e tswang lehodimong. ¹⁷Empa Jesu a tseba mehopolo ya bona, mme a re ho bona: Mmuso o mong le o mong o arohaneng ho itwantsha, o tla fetoha lesupi; mme ntlo e nngwe le e nngwe e arohaneng ho itwantsha, e tla wa. ¹⁸Ka baka leo, Satane le yena, ha a ka arohana ho itwantsha, mmuso wa hae o tla tiya jwang, haele moo lona le bolela hore ke leleka batemona ka Beelsebule?