Luka

²²empa, ha ho ka tla e mong ya se fetisang ka matla, a se hlola, o tla se amoha dihlomo tsohle tseo se di tshepileng, a hapisise tse hapilweng ke sona. ²³Ya sa ntwaneleng o a ntwantsha; le ya sa bokelleng le nna o a hasanya. ²⁴Moya o ditshila ha o tswile ho motho, o ikela dithoteng tse tjheleng o ntse o batla phomolo; empa ha o e hlokile, o re: A nke ke boele tlung ya ka eo ke tswileng ho yona. ²⁵Ere ha o fihla teng, o e fumane e fietswe, hape e hlophilwe. ²⁶Jwale o ye, o late meya e mong e supileng, e o fetisang ka bolotsana, mme e kene, e dule teng; mme taba tsa motho eo tsa morao di fetise tsa pele ka ho dula hampe. ²⁷ Jesu a re a sa bolela taba tseo, mosadi e mong ya hara bongata a phahamisa lentswe, a re ho yena: Ho lehlohonolo popelo e o emereng, le matswele ao o a antseng. ²⁸A mpa a re: E, empa haholo ho lehlohonolo ba utlwang lentswe la Modimo, mme ba le boloka.