Luka

³²Banna ba Ninive ba tla ema kahlolong le moloko ona, mme ba tla o tswa; hobane ba kile ba baka ka mokgosi wa Jonase, mme bonang, e moholo ho Jonase o teng mona. ³³Ha ho motho ya hotetsang lebone ho le bea sephiring, leha e le katlasa morula; empa o le hloma kandelareng, hore ba kenang ba bone lesedi. ³⁴Lebone la mmele ke leihlo; ka baka leo, ekare ha leihlo la hao le lokile, mmele wohle wa hao o na le lesedi; empa ha le le lebe, mmele wohle wa hao o lefifing. ³⁵O iponele ke hona, hore lesedi le ho wena e se ke ya eba lefifi. ³⁶Ekare ha mmele wohle wa hao o ena le lesedi, ho se moo ho leng lefifi, ke hona o tla ba le lesedi hohle, jwalokaha lebone le o bonesa ka lesedi la lona. ³⁷A re a sa bua, mofarisi e mong a mo rapela, hore a ke a tle ho ja le yena; a ya, a dula dijong. ³⁸Empa mofarisi a makala, ha a bona hobane ha a ka a itlhatswa, ha ho tla jewa.