Luka

³⁷A re a sa bua, mofarisi e mong a mo rapela, hore a ke a tle ho ja le yena; a ya, a dula dijong. ³⁸Empa mofarisi a makala, ha a bona hobane ha a ka a itlhatswa, ha ho tla jewa. ³⁹Morena a re ho yena: Lona bafarisi, le hlatswa sejana le mokeke kantle, kanthe kahare ho lona ho tletse boshodu le lonya. ⁴⁰Mawatla ting! ya entseng bokantle, na ha a ka a etsa le bokahare na? ⁴¹Le mpe le fane ka dintho tsa lona, mme dintho kaofela di tla hlweka ho lona. ⁴²Empa ho madimabe lona, bafarisi, hobane le ntsha karolo ya leshome ya kwena, le ya serue, le ya meroho yohle, mme le feta ho loka le lerato la Modimo! Anthe le ne le tshwanetse ho etsa ntho tsena, le ntse le sa tlohele ho etsa tseno. ⁴³Ho madimabe lona, bafarisi, hobane le rata ditulo tse kapele masinagogeng, le ho dumediswa mapatlelong.