Luka

²⁶Ho fetisa tseo tsohle, selomo se seholo se beilwe mahareng a rona le lona, hore ba mona ba ka ratang ho tshelela ho lona ba sitwe, leha e le ba ho lona ha ba rata ho tla ho rona, ba sitwe le bona. ²⁷Yaba o re: Ntate, ha ho le jwalo, ke a o rapela, o mo romele tlung ya ntate; ²⁸hobane ke na le banabeso ba bahlano; a ke a ba kgodise, hore ba tle ba se ke ba tla le bona nqalong ena e bohloko. ²⁹Abrahama a re ho yena: Ba na le Moshe le baporofeta; ba ke ba utlwe bona. ³⁰A mpa a re: Tjhe, ntate Abrahama, empa ekare ha e mong wa ba shweleng a ka ya ho bona, ba ka baka. ³¹Abrahama a re ho yena: Ekare ha ba sa utlwe Moshe le baporofeta, ba ke ke ba kgolwa, leha e mong wa bafu a ka tsoha.