Luka

²⁴Hobane jwaloka lehadima, ha le hadima, le ye le hadime ho qala nqa e nngwe tlasa lehodimo, ho isa nqa e nngwe tlasa lehodimo, ho tla ba jwalo le Mora motho tsatsing la hae. ²⁵Empa e ka kgona a utlwiswe bohloko bo boholo pele, a lahlwe ke moloko ona. ²⁶Jwalokaha ho ne ho etsahale mehleng ya Nowe, ho tla ba jwalo mehleng ya Mora motho. ²⁷Ho ne ho jewa, ho nowa, ho nyalwa, ho nyadiswa, ho fihlela letsatsi leo Nowe a ileng a kena arekeng ka lona, morwallo wa metsi wa ba wa fihla, wa ba timetsa kaofela. ²⁸Le hona ho tla ba jwalokaha ho kile ha etsahala mehleng ya Lota: Ho ne ho jewa, ho nowa, ho rekwa, ho rekiswa, ho lengwa, ho hahuwa matlo. ²⁹Empa ka letsatsi leo Lota a tswang Sodoma ka lona, lehodimo la neswa mollo le sebabole, ba ba ba timetswa kaofela ke tsona. ³⁰Ho tla ba jwalo ka letsatsi leo Mora motho a tla hlaha ka lona.