Luka

³⁰Ho tla ba jwalo ka letsatsi leo Mora motho a tla hlaha ka lona. ³¹Ka tsatsi leo, ya leng hodima ntlo, mme phahlo tsa hae di leng ka tlung, a se ke a theohela ho di nka; ka mokgwa o jwalo ya leng naheng, le yena a se ke a kgutlela hae. ³²Elellwang mosadi wa Lota. ³³E mong le e mong ya tla batla ho boloka bophelo ba hae, o tla timellwa ke jona, mme e mong le e mong ya tla timellwa ke jona, ke yena ya tla bo boloka. ³⁴Ke a le bolella, ke re: Ka bosiu boo, ho ba babedi ba robetseng phateng e le nngwe, e mong o tla nkwa, e mong a tlohelwe. ³⁵Ho basadi ba babedi ba silang hammoho, e mong o tla nkwa, e mong a tlohelwe. ³⁶Ho ba babedi ba masimong, e mong o tla nkwa, e mong a tlohelwe.