Luka

¹²A re: Motho e moholo o ne a etela fatsheng le hole ho inkela borena, a ntoo boya. ¹³A bitsa bahlanka ba hae ba leshome, a ba nea ponto tse leshome, a re ho bona: Le nne le bapatse ka tsona, ke be ke fihle. ¹⁴Empa batho ba motse wa hae ba ne ba mo hloile; ba roma manqosa mehlaleng ya hae, a reng: Ha re rate ha enwa a re busa. ¹⁵Eitse mohla a kgutlang a se a nkile borena, a laela hore bahlanka ba hae, bao a ba neileng ditjhelete, ba bitswe, a tle a tsebe hoba e mong le e mong o ruile ho le hokae ka papatso ya hae. ¹⁶Ha fihla wa pele, a re: Morena, ponto ya hao e hlahisitse ponto tse leshome. ¹⁷A re ho yena: Ho lokile, mohlanka ya molemo; ereka ha o bile kgabane ka ntho e nyenyane, busa metse e leshome. ¹⁸Wa bobedi a tla, a re: Morena, ponto ya hao e hlahisitse ponto tse hlano.