Luka

¹⁷A re ho yena: Ho lokile, mohlanka ya molemo; ereka ha o bile kgabane ka ntho e nyenyane, busa metse e leshome. ¹⁸Wa bobedi a tla, a re: Morena, ponto ya hao e hlahisitse ponto tse hlano. ¹⁹a re ho yena: Le wena, o buse metse e mehlano. ²⁰Mme e mong a tla, a re: Morena, ponto ya hao e sa le yona ena eo ke neng ke e phuthetse leseleng; ²¹hobane ke o tshabile, ka hobane o le motho ya thata: o nka seo o sa kang wa se bea, mme o kotula seo o sa kang wa se jala. ²²A re ho yena: Mohlanka e mobe, ke tla o ahlola ka polelo ya hao. O ne o tseba hobane ke motho ya thata, ke nkang seo ke sa kang ka se bea, ke kotulang seo ke sa kang ka se jala! ²³Ha ho le jwalo, ha o ka wa bea keng tjhelete ya ka bankeng, mme ho kgutleng ha ka nka be ke e latile le phaello ya yona?