Luka

⁴⁸Ha ba mmona, ba makala haholo; mmae a re ho yena: Ngwana ka, o re etseditseng jwalo? O ka bona, ntatao le nna, re ne re o batla re tshohile haholo. ⁴⁹A re ho bona: Le ne le mpatlelang? Na le ne le sa tsebe hoba ke tshwanetse ho ba teng ditabeng tsa Ntate na? ⁵⁰Empa ha ba ka ba utlwisisa taba eo a ba bolellang yona. ⁵¹Yaba o theoha le bona, a ya Nasaretha. O ne a ba utlwa; mme mmae a nna a boloka ditaba tseo kaofela pelong ya hae. ⁵²Mme Jesu a nna a hola hlalefong, le boemong, le molemong, pela Modimo le batho.