Luka

¹⁰Ka nako ya ho kotula, a romela mohlanka wa hae ho balemi, hore ba mo fe ditholwana tsa merara; empa balemi ba mo otla, mme ba mo kgutlisa a le feela. ¹¹A eketsa a roma mohlanka e mong; le yena ba mo otla, ba mo hlabisa dihlong, mme ba mo kgutlisa a le feela. ¹²A eketsa a roma wa boraro; mme hobane ba mo ntshe kotsi, ba mo lelekisa. ¹³Yaba monga tshimo ya merara o re: Ke tla etsa jwang? Ke tla roma mora wa ka, eo ke mo ratang; ha ba mmona, ekaba ba tla mo hlonepha. ¹⁴Empa balemi, yare ha ba mmona, ba bolellana, ba re: Enwa ke mojalefa; tloong, re mmolayeng, lefa e tle e be la rona. ¹⁵Eitse hobane ba mo lahlele kantle ho tshimo ya merara, ba mmolaya. Mme jwale, monga tshimo ya merara o tla ba etsa jwang? ¹⁶O tla tla, a timetse balemi bao; mme tshimo ya merara o tla e nea ba bang. Ha ba utlwa hoo, ba re: ho se ke ha eba jwalo!