Luka

³⁷Haele hobane bafu ba tla tsoha, Moshe le yena o ho bonahaditse, mohla a leng pela sehlahla, ha a bitsa Morena, Modimo wa Abrahama, le Modimo wa Isaaka, le Modimo wa Jakobo. ³⁸Athe Modimo hase Modimo wa bafu, ke wa ba phelang; hobane ho wona batho kaofela ke ba phelang. ³⁹Yaba ba bang ho bangodi ba bua, ba re: Moruti, o arabile hantle. ⁴⁰Hobane ba ne ba tshaba ho boela ba mmotsa taba leha e le nngwe. ⁴¹Empa a ba bolella, a re: Ho thwe, Kreste ke mora wa Davida jwang, ⁴²kanthe Davida yena o boletse bukeng ya Dipesaleme, a re: Morena o boleletse Morena wa ka, a re: Dula letsohong la ka le letona, ⁴³ke be ke bee bao e leng dira ho wena bonamelo ba maoto a hao?