Luka

⁴⁰Hobane ba ne ba tshaba ho boela ba mmotsa taba leha e le nngwe. ⁴¹Empa a ba bolella, a re: Ho thwe, Kreste ke mora wa Davida jwang, ⁴²kanthe Davida yena o boletse bukeng ya Dipesaleme, a re: Morena o boleletse Morena wa ka, a re: Dula letsohong la ka le letona, ⁴³ke be ke bee bao e leng dira ho wena bonamelo ba maoto a hao? ⁴⁴Ana jwale, Davida ha a mmitsa Morena wa hae, e ka ba mora wa hae jwang? ⁴⁵Yaba o bolella barutuwa ba hae, batho bohle ba ntse ba mametse, ⁴⁶a re: Phemang bangodi, ba ratang ho itsamaela ka dikobo tse telele, le ho dumediswa mapatlelong; ba ratang ditulo tse kapele masinagogeng, le ditulo tse kapele meketeng.