Luka

¹²Empa pele ho tseo tsohle, ba tla le tshwara ka matsoho a bona, ba le hlorise, ba le hulanyetse masinagogeng le diteronkong, ba le ise pela marena le babusisi, ka baka la lebitso la ka. ¹³Hoo ho tla le fihlela hore le bee bopaki. ¹⁴Ka baka leo, ikenyeng pelong tsa lona taba ya hore ha le na ho rera pele seo le tla ikarabela ka sona; ¹⁵hobane nna, ke tla le nea molomo le bohlale boo ba ipeileng dira ho lona ba tla sitwa ho bo fetola le ho bo hanyetsa. ¹⁶Le tla ekwa le ke batswadi ba lona, le ke banababo lona, le bahabo lona, le metswalle ya lona; ba tla bolaya ba bang ho lona; ¹⁷mme le tla hlouwa ke batho bohle ka baka la lebitso la ka. ¹⁸Empa qoba leha e le nngwe ya moriri wa dihlooho tsa lona, e ke ke ya timela.