Luka

³¹Ka mokgwa o jwalo le lona, etlare ha le bona tseo di hlaha, le tsebe hoba mmuso wa Modimo o haufi. ³²Kannete ke re ho lona: Moloko ona o ke ke wa feta, tseo di eso ho hlahe. ³³Lehodimo le tla feta le lona lefatshe, empa dipolelo tsa ka di ke ke tsa ba tsa feta. ³⁴Empa le iponele, hore dipelo tsa lona di se ke tsa imelwa ke ho ja le ho nwa hampe, le ke dipelaelo tsa bophelo bona, mme letsatsi leo la le tshwara sehloho; ³⁵hobane le tla wela ba ahileng lefatsheng lohle jwaloka sefi. ³⁶Fadimehang ke hona, mme le rapele kamehla, le tle le newe tokelo ya ho phonyoha ho tseo tsohle tse tla etsahala, le ya ho ema pela Mora motho. ³⁷Jesu o ne a ruta tempeleng motshehare; bosiu o ne a etswa, a ya dula thabeng e bitswang ya Mehlwaare.