Luka

¹Mokete wa mahobe a se nang ditomoso, o bitswang Paseka, o ne o atametse. ²Baprista ba baholo le bangodi ba ne ba batla kamoo ba ka bolayang Jesu kateng; hobane ba ne ba tshaba setjhaba. ³Yaba Satane o kena ho Judase, ya bitswang Iskariota, eo e neng e le wa palo ya ba leshome le metso e mmedi. ⁴A ya ho baprista ba baholo, le ho balaodi ba makgotla, ho rera le bona kamoo a tla ba neela yena kateng. ⁵Ba thaba haholo, mme ba dumellana hammoho ho mo nea tjhelete.