Luka

¹⁸Hobane ke re ho lona: Ha ke sa tla hlola ke enwa se behwang ke morara, ho tle ho be ho fihle mmuso wa Modimo. ¹⁹A ntoo nka bohobe, mme eitse hobane a lebohe, a bo ngwatha, a ba nea bona, a re: Hona ke mmele wa ka, o neelwang lona; etsang hona hore le tle le nne le nkgopole. ²⁰A etsa jwalo le ka senwelo, ha ba se ba laletse, a re: Senwelo sena ke selekane se setjha mading a ka, a tshollelwang lona. ²¹Empa, bonang, letsoho la ya nkekang le na le nna tafoleng. ²²Haele Mora motho, o ikela jwalokaha ho laetswe; empa ho madimabe motho ya mo ekang. ²³Mme ba qala ho botsana hore na ekaba ke mang hara bona ya tla etsa hona! ²⁴Kgang le yona ya eba teng hara bona ya ho tseba hore na ke ofe wa bona ya ka lekanngwang hoba ke e moholo.