Luka

³¹Morena a re: Simone! Simone! bona, Satane o le qetse hore a le hlokole jwaloka koro; ³²empa nna ke o rapeletse hore tumelo ya hao e tle e se ke ya fela. Jwale, wena, etlere hobane o bake, o tiise banabeno. ³³Simone a re ho yena: Morena, ke itokisitse ho ya le wena teronkong, leha e le lefung. ³⁴Empa Jesu a re: Petrose, ke a o bolella hoba mokoko o ke ke wa lla kajeno, o eso ho latole hararo hore o a ntseba. ³⁵Yaba o re ho bona: Mohla ke neng ke le romile le se na mokotlana wa ditjhelete, le mokotla wa tsela, le dieta, na le kile la hloka ho hong na? Ba re: Ha ho letho leo re kileng ra le hloka. ³⁶A re ho bona: Empa jwale, ya nang le mokotlana wa ditjhelete a o nke le wona makotla wa tsela; ya hlokang sabole a ithekele yona ka kobo ya hae. ³⁷Hobane ke le bolella hore taba e ngodilweng e tshwanetse ho phethehala ho nna, e reng: O badilwe le bakgopo. Hobane ditaba tsa ka di ya ho feleng ha tsona.