Luka

⁶³Banna ba tshwereng Jesu ba ne ba mo soma, mme ba mo otla. ⁶⁴Ba mo kwahela mahlo, ba mo wahlela, ba mmotsa, ba re: Porofeta! ke mang ya o otlileng. ⁶⁵Ba mo nyefola le ka ditaba tse ding tse ngata, tseo ba mo hlabang ka tsona. ⁶⁶Eitse hobane bo se, baholo ba setjhaba, le baprista ba baholo, le bangodi, ba bokana, mme ba mo isa lekgotleng la bona. ⁶⁷Ba re ho yena: Ha o le Kreste, o re bolelle. Empa a re ho bona: Leha nka le bolella, le ke ke la dumela; ⁶⁸mme leha nka le botsa, le ke ke la nkaraba le hona, mme le ke ke la ntesa ka ya. ⁶⁹Ho qala jwale, Mora motho o tla be a dule letsohong le letona la matla a Modimo.