Luka

¹⁶Ka baka leo, ke tla mo shapa, ke ntoo mo lokolla. ¹⁷Pilato o ne a tshwanetse ho ba lokollela e mong ka mokete o mong le o mong. ¹⁸Yaba bongata bo howa kaofela, ba re: Tlosa enwa, o re lokollele Barabase. ¹⁹Eo e ne e le monna ya kenntsweng teronkong ka baka la moferefere oo a neng a o tsositse hara motse, le ka baka la polao. ²⁰Pilato, ka ho rata ho lokolla Jesu, a boela a bua le bona. ²¹Empa ba eketsa ho howa, ba re: Mo thakgise! Mo thakgise! ²²A bua le bona la boraro, a re: Enwa o entse bobe bofe? Ha ke fihlele molato ho yena, o tshwanelwang ke lefu. Ke tla mo shapa, ke ntoo mo lokolla.