Luka

³⁷Ba mpa ba tshoha, ba tshaba haholo, ba hloma eka ba bona seriti. ³⁸A re ho bona: Le tshohelang? mme mehopolo e jwalo e hlahelang dipelong tsa lona? ³⁹Bonang diatla tsa ka le maoto a ka, hobane ke nna ka sebele. Ntoboketseng, le bone; hobane seriti ha se na nama le masapo, jwalokaha le mpona ke ena le wona. ⁴⁰Eitse ha a sa ba bolella hoo, a ba bontsha diatla tsa hae le maoto. ⁴¹Mme kahobane ba ne ba sa belaela ka baka la ho thaba le ho makala, a re ho bona: Na mona le na le ntho e jewang na? ⁴²Ba mo nea sesuma sa hlapi e besitsweng le kgekge ya dinotshi; ⁴³mme a di nka, a ja pela bona.