Luka

⁸Ha ho le jwalo, behang ditholwana tse tshwanelang pako. Le se ke la qala la re ka ho lona: Abrahama ke ntata rona; hobane ke re ho lona: Modimo o ka tsosetsa Abrahama bana le ka majwe ana. ⁹Hape, selepe se se se beilwe metsong ya difate. Mme jwale, sefate ka seng se sa beheng ditholwana tse molemo, se tla rengwa, se lahlelwe mollong. ¹⁰Bongata ba mmotsa, ba re: Ha ho le jwalo, re tla etsa eng na? ¹¹A araba, a re ho bona: Ya nang le dikobo tse pedi a abele ya se nang yona, le ya nang le dijo a etse jwalo. ¹²Balekgetho le bona ba tla ho kolobetswa, mme ba re ho yena: Moruti, re tla etsang na? ¹³a re ho bona: Le se ke la lefisa ho fetisa hoo le ho laetsweng. ¹⁴Masole le wona a mmotsa, a re: Le rona, re tla etsa eng? A re ho wona: Le se ke la etsa motho ka matla, leha e le ka thetso; hape le kgolwe ke moputso wa lona.