Luka

²⁹Ba ema, ba mo lelekela kantle ho motse, ba mo isa selomong sa thaba eo motse wa bona o hahilweng hodima yona, ba re, ba ya mo dihela. ³⁰Empa yena a iphetela hara bona, a ikela. ³¹Yaba o theohela Kapernauma, motse wa Galelea; mme o ne a ruta batho ka matsatsi a Sabatha. ³²Ba ne ba tsota thuto ya hae; hobane a ne a bua ka borena. ³³Monna o ne a le teng sinagogeng, ya nang le moya wa motemona o ditshila; a howa ka lentswe le leholo, ³⁴a re: Tloha! taba ya rona le wena ke efe, Jesu wa Nasaretha? Na o tlile ho re timetsa? Ke a o tseba hoba o mang: o Mohalaledi wa Modimo. ³⁵Jesu a kgalemela motemona, a re: Kgutsa, o tswe ho yena. Yaba motemona, hobane a mo dihele hare, a tswa ho yena, a sa mo ntshe kotsi.