Luka

¹⁴A mo laela, a re, a se ke a bolella motho, a re: O mpe o yo ipontsha ho moprista, mme o ananele ho ntlafala ha hao kamoo Moshe a laetseng kateng, e tle e be bopaki ho bona. ¹⁵Botumo ba hae ba eketsa ho ata, mme matshwele a maholo a tla hammoho ho mo utlwa, le ho fodiswa malwetse a bona ke yena. ¹⁶Haele yena, o ne a dula mafeelleng, a ntse a rapela. ¹⁷Ka tsatsi le leng, Jesu o ne a ruta; bafarisi le baruti ba molao, ba tswang metsaneng yohle ya Galelea, le Judea, le Jerusalema, ba ne ba dutse ho yena, mme matla a Morena a ne a bonahala ka ho fodisa. ¹⁸Yaba ho tla banna ba jereng ka diphate motho ya omeletseng ditho, ba leka ho mo kenya ka tlung, a tle a bewe pela Jesu. ¹⁹Yare ha ba sa bone hoba ba tla mo kenya le kae, ka baka la bongata, ba hlwella hodima ntlo, ba phunya marulelo, ba mo theolela kahare, pela Jesu, a robetse diphateng tsa hae. ²⁰Jesu, ha a bona tumelo ya bona, a re ho yena: Motho, dibe tsa hao o di tshwaretswe.