Luka

²⁵A ba a re ho bona: Tumelo ya lona e kae? Ba mpa ba tshaba, ba makala, ba bolellana, ba re: Na enwa ke mang, ha a laela le yona meya le metsi, mme di mo utlwe? ²⁶Ba fihla naheng ya Bagergesene, e tadimaneng le Galelea. ²⁷Yare ha Jesu a theohetse fatshe, a kgahlanyetswa ke monna e mong wa motse, ya nang le batemona; e ne e se e le kgale a sa apare kobo, a sa dule le tlung, empa a le mabitleng. ²⁸Eitse ha a bona Jesu, a howa, a itihela pela hae, a re ka lentswe le leholo: Taba ya ka le wena ke efe, Jesu, Mora Modimo o hodimodimo? Ke a o rapela, o se ke wa ntlhokofatsa. ²⁹A rialo kahobane Jesu a ne a laela moya o ditshila ho tswa mothong eo. Hobane e ne e se e le kgale o mo tshwere; mme o ne a kile a holehuwa ka mahlaahlela, a tlangwa maoto ka ditshepe; empa o ne a robile ditlamo tseo, a susumeletswa feelleng ke motemona. ³⁰Jesu a mmotsa, a re: Lebitso la hao o mang? A re: Ke Legione. Hobane batemona ba bangata ba ne ba kene ho yena. ³¹Ba mo rapela, ba re, a se ke a ba laela ho ya sekoting.