Luka

⁴²hobane o ne a ena le ngwanana a le mong, eo dilemo tsa hae di batlileng ho ba leshome le metso e mmedi, ya neng a le makgatheng a ho shwa. Yare ha Jesu a sa ya, a petetswa ke batho. ⁴³Yaba mosadi ya neng a kula ke phallo ya madi e se e le dilemo tse leshome le metso e mmedi, ya neng a neile dingaka dintho tsa hae kaofela, a sa ka a fodiswa le ke e nngwe, ⁴⁴o atamela Jesu kamorao, a ama qola ya seaparo sa hae; yaba phallo ya hae ya madi e kgaotsa hang. ⁴⁵Jesu a re: Ke amilwe ke mang na? Ha ba latola bohle, Petrose le ba nang le yena ba re: Monghadi, bongata bo o peteditse, bo a o hatella, mme o bolela jwang, ha o re: Ke amilwe ke mang? ⁴⁶Empa Jesu a re: E mong o nkamile, hobane ke tsebile hoba matla a mang a tswile ho nna. ⁴⁷Yare mosadi eo ha a bona hobane ha a ka a pateha, a tla ka ho thothomela, a itihela pela hae, a bolela pontsheng ho batho kaofela seo a mo amileng ka baka la sona, le kamoo a phakisitseng a fodiswa kateng. ⁴⁸Jesu a re ho yena: Beta pelo, moradi wa ka; tumelo ya hao e o pholositse; eya ka kgotso.